بنت الريف
مؤسسة الملتقى
 عدد الرسائل : 85
تاريخ التسجيل : 10/08/2007
 | موضوع: lموسوعة النكت المغربية  9/12/2007, 06:50 | |
| نصيحة : إلا طاح ليك درهم في جامع الفناء بمراكش ، فلا يجب أن تنحني لإلتقاطه. بل إدفعه برجلك حتى ابن كرير. وشكرا...
هدا واحد الراجل اشترى سمكة كبيرة.
الزوجة: آخ...الحوتة خانزة...
الزوج: علاه أنت عايمة فحالها.
عثر في المغرب على جمجمة إنسان قديم، فحصها كوميسير ديال البصري، فقال أن عمرها مليون سنة (كرات)أقرت بعمرها بفعل التعديب.
هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.
الصحفي : ماهو السبب المباشر في ضعف الاقتصاد المغربي.
ولعلو و اليازغي : إدريس البصري.
الصحفي : ماهو السبب الغير المباشر في ضعف الاقتصاد المغربي.
ولعلو و اليازغي : البصري إدريس.
هذا محماد الشلح مول الحانوتة , لقى ولدو تيشوف في شامبوان...وهو يصلع ليه.
هذا محماد الشلح مول الحانوتة, لقى ولدو تيشوف في colgate...وهو يحيد الأسنان دياولو.
وزير التشغيل كان حاضر في برنامج تلفزيوني، واحد المواطن شمور. إتصل بالهاتف وأهدى للوزير أغنية : خليت ليك الله يا الظالم لنجاة أعتابو
امرأة رئيس الوزراء، اتصلت بزوجها وقالت له : يمكن عندنا شفار في الدار. جاوبها: العجب، مع العلم ان كل الوزراء حاضرين عندي في الاجتماع....
هدا واحد أحول...... تسجل في الجيش ...... حطوه في قسم القصف العشوائي.
هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت.
هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...
هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر.
هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب.
الاب ديال ادريس البصري، شاف ولدو تيلعب الكولف في فرنسا، وهو يقول: إيه يا ولدي ادريس، رجعتي للعتلة عاود ثاني.
هدي واحد المراة كتشك في راجلها، واحد اليوم لقات شعرة شهبة ،قالت ليه : شكون هاد الشهبةاللي كنتي معاها، واحد اليوم لقات شعرة حرشة ،قالت ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه : شكون هاد القرعةاللي كنتي معاها....
هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.
هدا واحد الدكالي بغا يمشي للحج ، خلى لاكارت ناسيونال لقبيلتو وقال ليهم : والجماعة إلا وقعات شي حاجة أنا راني شاهد
هدا واحد الجبلي مشى أول مرة للبحر ، لقى المد، ثاني مرة، لقى الجزر، دار عند صاحبو، وقال ليه: لي ميتر ناجور باعووشراو
| |
|
مهاجر
مدير عـــام
 عدد الرسائل : 72
تاريخ التسجيل : 12/09/2007
| | موضوع: رد: lموسوعة النكت المغربية 9/15/2007, 11:26 | |
| | |
|
بنت الريف
مؤسسة الملتقى
عدد الرسائل : 85
تاريخ التسجيل : 10/08/2007
| | موضوع: رد: lموسوعة النكت المغربية 10/11/2007, 11:22 | |
| شكرا لك ايضا
لانك مررت من هنا
هل ضحكت ام ابتسمت فقط؟؟ | |
|
